拿，好多廣告我都鬧過，唔好話我偏心同志啦，今日要講嘅就係香港同志遊行2017句標語：「轉風執位、歧視歸西 」英文係Turn the tide, walk with pride, discrimination says goodbye...
當我成日都話講文學、藝術與美感唔可以唔提同志，今次終於換我被打臉了。這個標語真的很糟糕，一睇句中文，就知設計者鍾意打麻雀，加埋右手邊隻彩虹一索，句野我讀第二次已經諗左去「轉風執位、一筒歸西」而值得一提的是，我本人淨係識食雞糊。一係我想像力太強大，一係我相信班麻雀精睇到你呢句時一定會集體讀錯。
另外，句英文... 依家兩句已經嫌多，三句已經係太長，而且Discrimination says goodbye呢種句式好old school，令人想起中學時的標語創作比賽，勾起我中學時創作過那些標語的尷尬回憶，總的來說，令人難以直視...
其實，都好嘅... 唔望標語，大家就焗住望返左手邊，11月25號星期六下午兩點，呢句活動時間倒是寫得清楚，某程度上，首先用右手邊的震撼標語吸引你，再將你的視線推到左手邊看活動細節，一吸一斥，將大眾的眼球牢牢控制，玩弄於股掌之間，也是劍走偏鋒的神級設計。
如果你認為這已經很厲害了，你也太小看設計師了，左手邊的資訊，你看完11月25號後，總是覺得有某種不協調感，然後你會看完又看，突然你突破盲點，問點解無關痛癢的Contact會擺在上面，但重點的日期和遊行路線擺在最底，當你發現呢點的時候，你已經睇左呢隻廣告成分鐘了。
好一個充滿魔性的廣告，呢個廣告近乎無·一·樣·野係岩架。Tagline 錯、Visual錯、排版都錯，但正正說明同志組織其實很需要大家幫忙，廣告界marketing界咁多自己人，但竟然出左個咁嘅廣告，其實係幾尷尬的。真心建議各位高手，在這些大時大節可以抽點時間幫忙他們，畢竟這是代表全港同志，我們理應拔刀相助的。
當然，這個全錯的廣告，用上完全脫離設計及廣告的常識與手法，或許也是歪打正著，說明了遊行的基本理念：就是一班社會上「不正常」、「奇怪的人」聚在一起發聲爭取權利。正如這廣告，東拼西湊看起來奇奇怪怪，看久了又會覺得有種說不出的違和感，卻又帶著一點奇怪的和諧。
#婊揚傑出推廣
#這群人不曾同台偏偏不陌生
#唔係廣告
#但唔通真係婊死佢咩
#人妻先生的救援
#文過飾非
#點都好啦活動才是重點
#11月25號
#唔加入去行都可以圍觀
#支持下姐
#可能會遇上帥哥
#可能會被搭訕
#可能會遇上洋腸
#機會黎啦飛雲
Search